Vetëm pak javën na ndajnë nga sezoni i ri i “Hell’s Kitchen”, i cili këtë vit do të rikthehet në një format tërësisht të ri. Më herët Renato Mekolli ka zbuluar detaje të shumta për edicionin e ri, që do të jetë në formën e një ‘reality show’. Shefi i kuzhinës ka treguar më parë se këtë herë atë do e shoqërojnë në kuzhinë dy vajza të njohura që kanë marrë pjesë në “Hell’s Kitchen” dhe “MasterChef Albania”, Ani dhe Albana. Por së fundmi ai i ka habitur të gjithë me një deklaratë, duke u shprehur se do të martohet së shpejti.
Renato ka publikuar në ‘Instagram’ një foto veshur me kostum dhëndri dhe mbrapa shihet Armand Peza i “Geraldina Sposa” me një fustan nusërie. Shefi i kuzhinës ka treguar se e ka vendosur të martohet në “Hell’s Kitchen”, pa zbuluar asnjë detaj më tepër. “Hell’s Kitchen Albania 2… E vendosa, do martohem dhe ku më mirë se në emisionin tim, në Hell’s Kitchen Albania. Nga tetori në Top Channel”, ka shkruar Renato. Nuk dihet nëse është e vërtetë se Mekolli do të martohet në spektaklin e gatimit, apo kjo do të jetë pjesë e skenarit të përgatitur nga vetë drejtuesit e emisionit. Megjithatë çdo mister do të zbulohet në tetor dhe do të shohim se çfarë do të ndodhë me martesën e Renatos.